वृत्तसंस्था -  महाराष्ट्राचे माजी गृहमंत्री अनिल देशमुख यांच्या नागपूरमध्ये गाडीवर दगडफेक झाली आहे. अनिल देशमुख यांच्यावर काटोल जलालखेडा मार्गावर बेलफाट्याजवळ अज्ञातांकडून दगडफेक करण्यात आली. या हल्ल्यात अनिल देशमुख यांच्या गाडीची काच फुटली आहे. तसंच अनिल देशमुखांच्या डोक्याला गंभीर दुखापत झाली आहे. या दगडफेकीत देशमुख जखमी झाले आहे. त्यांच्यावर काटोलमधल्या रुग्णालयात उपचार सुरु आहेत. अनिल देशमुखांवरील हा हल्ला म्हणजे स्टंटबाजी असल्याचं म्हणत भाजपकडून आरोप फेटाळण्यात आलेत.

                   अनिल देशमुख यांच्या ज्या गाडीवर दगडफेक झाली ती गाडी tv9 वर… पारडसिंगा जवळील बेल फाटा परिसरात अंधाराचा फायदा घेत दगडफेक करण्यात आली. गाडीची समोरची काच अनिल देशमुख बसले होते. त्या भागाकडून पूर्णतः ब्रेक झाला आहे. मोठा दगड काचेवर पडला त्यामुळे काच फुटली आहे. पोलिसांकडून गाडीची तपासणी केली जात आहे. पोलीस सगळ्या बाजूने तपासणी करत आहेत.काटोल विधानसभा मतदारसंघातून अनिल देशमुख यांचे चिरंजीव सलील देशमुख यांना राष्ट्रवादी शरद पवार गटाकडून उमेदवार देण्यात आली आहे. सलील देशमुख यांची शेवटची सांगता सभा आटोपून अनिल देशमुख आपल्या घरी काटोलला परतत असताना अज्ञात व्यक्तीने देशमुखांच्या गाडीवर दगड फेकला. यात अनिल देशमुख यांनी जखमी झाले आहेत.