जिल्हाधिकारी अशोक काकडे यांच्या संकल्पनेतून अधिकारी, कर्मचाऱ्यांना मोडी लिपीचे प्रशिक्षण
schedule21 Nov 25 person by visibility 407 categoryसांगली
सांगली प्रतिनिधी - दैनंदिन कार्यालयीन कामकाजात जुने मोडी लिपीमधील दस्तऐवजाचे वाचन मदतीचे ठरू शकते. नागरिकांना जातीचे दाखले देत असताना पुराव्यासाठी जन्म, मृत्यू नोंदी, महसूल पुरावे इत्यादी दस्तऐवज उपलब्ध करुन देण्याकरिता अधिकारी व कर्मचारी यांना मोडी लिपीचे वाचन येणे आवश्यक आहे. याकरिता जिल्हाधिकारी अशोक काकडे यांच्या संकल्पनेतून तसेच श्रीमती मथुबाई गरवारे कन्या महाविद्यालय, सांगली यांच्या सहकार्याने आज जिल्हाधिकारी कार्यालयाच्या जिल्हा नियोजन समिती सभागृहात अधिकारी, कर्मचारी यांच्याकरता मोडी लिपी प्रशिक्षणास सुरवात करण्यात आली.
