कोल्हापूर जिल्हा परिषदेचा आरोग्य विभाग कायम चर्चेत असतो त्याचे कारण ही मजेशीरच असते. आरोग्य मंत्री प्रकाश आबिटकर यांचा जिल्हा म्हणून कोल्हापूरकडे पाहिले जाते त्यांच्या जिल्ह्यातच टेंडर प्रक्रियेतील गोंधळाने चर्चेला तोंड फुटले आहे. सॅन फार्म सोलापूर यांना २०२४ मध्ये टेंडर प्रक्रिया राबवून पुरवठा आदेश देण्यात आला आहे. मजेशीर बाब म्हणजे माहिती अधिकार कार्यकर्ता यांनी टेंडर प्रक्रियेची माहिती मागणी केल्यानंतर माहिती अधिकार अंतर्गत त्यांना जानेवारी २०२४ मध्ये टेंडर प्रक्रिया राबवून सुमारे १८ लाख रुपयांची औषध खरेदीसाठी पुरवठा आदेश देण्यात आला आहे. त्या आदेशावर जावक क्रमांकच टाकला नसून दिनांक सुद्धा टाकायचे विसरले आहेत. लाखो रुपयांच्या पुरवठा आदेशावर इतकी गंभीर चूक असणे म्हणजे टेंडर प्रक्रिया कशी राबविली गेली आहे याचा अंदाज येऊ शकतो. सदरच्या प्रकाराबाबत आरोग्य मंत्री प्रकाश आबिटकर यांना संपर्क साधला असता संपर्क होऊ शकला नाही परंतु पुरवठा आदेशावरून जावक क्रमांक आणि दिनांक गायब असल्याने निविदा प्रक्रियेबाबत चौकशीची मागणी केली जात आहे.