सुशांत पोवार (कोल्हापूर) - कोल्हापूर जिल्हा परिषदेच्या बांधकाम व आरोग्य विभागाच्या सभापती सौ. सारिका यशवंत नांदेकर यांच्या नूतन दालन प्रवेशाचा कार्यक्रम मोठ्या आनंदात संपन्न झाला. शिवसेना मुख्य नेते व उपमुख्यमंत्री मा.ना.श्री. एकनाथजी शिंदे साहेब नेहमीच महिलांना राजकारणात मानाचे स्थान मिळावे, यासाठी प्रयत्नशील राहिले आहेत. त्यांनी हा विचार फक्त बोलण्यापुरता मर्यादित न ठेवता प्रत्यक्ष कृतीत आणून ग्रामपंचायतीपासून ते संसदेपर्यंत अनेक लाडक्या बहिणींना महत्त्वाची पदे दिली आहेत. याप्रसंगी सौ. सारिका नांदेकर यांनी स्वतःला केवळ एका जिल्हा परिषद मतदारसंघाच्या प्रतिनिधी न समजता बारा तालुक्यांच्या सभापती समजावे आणि विकसित महाराष्ट्राच्या व्हिजनसाठी प्रभावीपणे काम करावे, असे आवाहनही यावेळी केले.

             या कार्यक्रमास माजी राज्यमंत्री भरमूअण्णा पाटील, आमदार अशोकबापू माने, माजी खासदार संजय मंडलिक, जनसुराज्यचे प्रदेशाध्यक्ष समित कदम, माजी आमदार डॉ.सुजित मिणचेकर, के.जी.नांदेकर, शिवसेना जिल्हाध्यक्ष विजय बलुगडे, भाजप जिल्हाध्यक्ष नाथाजी पाटील, शिवसेना जि.प.गटनेते अरुण जाधव, गोकुळ संचालक नंदकुमार ढेंगे, कृषी संचालक दत्तात्रय उगले, शिक्षण सभापती शितल यादव, जि.प.सदस्या रोहिणी आबिटकर, पंचायत समिती सभापती विक्रम पाटील, संतोष जोशी, अभय तेंडुलकर यांच्यासह सर्व विभागप्रमुख आणि शिवसैनिक मोठ्या संख्येने उपस्थित होते .