संजय तोडकर (सांगली) - दि.१७ नोव्हेंबर रोजी ०२.२० च्या सुमारास एमआयडीसी कुपवाड पोलीस ठाणे हददीतील रेकॉर्डवरील संशयित राहुल माने, गणेश खोत व महेश पारछे हे सुतगिरणी चौक येथून राहूल माने याचे चारचाकी थार गाडी नं. एम. एच. १० ई. आर. ८२६२ या मधुन जात असताना राहुल माने व त्याचा साथीदार गणेश खोत या दोघांचा महेश पारछे याचेसोबत पैशाच्या देवान घेवानितून वाद झाला त्यावेळी गणेश सदाशिव खोत याने महेश पारछे यास लाथा बुक्यांनी मारहाण, शिवीगाळ करुन तुला आता जिवंत ठेवत नाही अशी दमदाटी धमकी दिली त्यावेळी राहुल सुभाष माने याने चिडून महेश पारछे याच्यावर त्याच्याकडील गावठी पिस्टलने महेश आनंद पारछे याला जिवे ठार मारण्याच्या उद्देशाने गोळी झाडली असताना सदरची गोळी ही महेश पारछे याचे डाव्या मांडीला लागून तो गंभीर जखमी झाला त्यानंतर सदर घटनेची एमआयडीसी कुपवाड पोलीस ठाण्यास माहिती मिळताच सदर गंभीर घटनेच्या अनुषंगाने घटनास्थळी कुपवाड पोलीस ठाणेकडील अधिकारी व अंमलदार यांनी तात्काळ धाव घेवुन भेट दिली. तसेच सदर गंभीर घटनेच्या अनुषंगाने पोलीस अधीक्षक साो, सांगली, अपर पोलीस अधीक्षक साो सांगली, उपविभागीय पोलीस अधिकारी साो, मिरज विभाग यांना तात्काळ माहिती देवुन त्यांनी दिले सुचनेप्रमाणे सहायक पोलीस निरीक्षक आनंदराव घाडगे यांनी एमआयडीसी पोलीस ठाणेकडील गुन्हे शोध पथकास दोन टिम करुन संशयितांचा शोध घेण्याबाबत आदेशीत केले.

                 त्याप्रमाणे एमआयडीसी कुपवाड पोलीस ठाणेकडील गुन्हे शोध पथकाकडील अधिकारी व अंमलदार यांनी तपासाची चक्रे गतीमान करुन सदर गुन्हयातील संशयित १) राहुल सुभाष माने, रा. संकल्पनगर, बामनोळी, कुपवाड, २) गणेश सदाशिव खोत, रा. शांत कॉलनी, कुपवाड, ता. मिरज, जि. सांगली याना चार तासाचे आत ताब्यात घेतले आहे. तसेच गुन्हयात वापरलेले वाहन जप्त करण्यात आले आहे. सदर गुन्हयातील संशयित व जखमी रेकॉर्डवरील संशयित असुन त्यांचेवर खुन, खुनाचा प्रयत्न, गर्दी मारामारी, यासारखे गंभिर गुन्हे दाखल आहेत.