संजय तोडकर (सांगली) - घाटनांद्रे गावात घरफोडी चोरीचा गुन्हा उघडकीस आला असून, त्या प्रकरणात विधीसंघर्ष बालक आणि त्याचे पालक यांचा सहभाग असल्याचा संतती तपासात समोर आला आहे. पोलीस निरीक्षक सतिश शिंदे यांच्या नेतृत्वाखालील पथकाने संशयितांची माहिती गोळा करुन पुढील कारवाईला सुरुवात केली आहे.

             या घटनेची त्वरित माहिती मिळताच सहा पोलीस निरीक्षक पंकज पवार यांच्या देखरेखीखालील पथकाने विधीसंघर्ष बालकास ताब्यात घेतले. त्याने घरफोडी चोरीची कबुली दिल्यानंतर गुन्ह्याचा मुद्देमाल पंचासमक्ष जप्त करण्यात आला आहे. पुढील चौकशीसाठी विधीसंघर्ष बालकास त्याच्या पालकांसह कवठेमहांकाळ पोलीस ठाण्यात वर्ग करण्यात आले असून, तपास अद्याप सुरू असल्याचे अधिकाऱ्यांनी सांगितले आहे.

           या गुन्ह्यामुळे स्थानिक रहिवाशांमध्ये अस्वस्थता पसरली असून पोलीस प्रशासनाकडून पुढील सुरक्षिततेसाठी योग्य ती काळजी घेतली जात आहे. संशयितांवर कायदेशीर कारवाई होईल आणि तपास पूर्ण झाल्यानंतर पुढील दाखल प्रकिया केली जाईल, अशी माहिती पोलीस विभागाने दिली आहे.