वसीम सय्यद (कोल्हापूर) - शबरी आदिवासी वित्त व विकास महामंडळामार्फत एन.एस.टी.एफ.डी.सी.नवी दिल्लीच्या धर्तीवर शासनामार्फत स्वयंरोजगाराच्या कर्ज योजना राबविण्यात येत आहेत. जुन्नर येथील शबरी शाखा कार्यालयाच्या कार्यक्षेत्रात येणारे पुणे, अहमदनगर, सातारा, सांगली, सोलापुर, कोल्हापुर, उस्मानाबाद, बीड, लातुर या जिल्ह्यातील आदिवासी लाभार्थ्यांसाठी कर्ज योजना राबविण्यात येत आहे. या जिल्ह्यातील आदिवासी समाजातील इच्छुक उमेदवारांनी www.mahashabari.in या संकेतस्थळाच्या माध्यमातुन दि. 15 सप्टेंबर 2024 पर्यंत ऑनलाईन कर्ज फॉर्म भरावेत, असे आवाहन जुन्नर शबरी आदिवासी वित्त व विकास महामंडळाचे शाखा व्यवस्थापक रा.भ. पाटील यांनी केले आहे. यासाठी कोणत्याही प्रकारे ऑफलाईन अर्ज स्विकारले जाणार नाहीत.

जुन्नर शाखा कार्यालयास सन 2024-25 साठी महिला सबलीकरण योजना (रु. 2 लक्ष)- 22, कृषी आणि संलग्न व्यवसाय (रु. 5लक्ष)-6, हॉटेल ढाबा व्यवसाय (रु.5 लक्ष)- 6, ऑटो वर्क शॉप/ स्पेअर पार्ट (रु. 5लक्ष) -6, वाहन व्यवसाय (रु.10 लक्ष पेक्षा जास्त व रु. 15 लक्ष पर्यंत)-8 याप्रमाणे योजनानिहाय लक्षांक प्राप्त झाला आहे.